MAAM INSPIRE ಪ್ರಶಸ್ತಿ ಪುರಸ್ಕೃತರ ಅನಿಸಿಕೆ

ಪತ್ರಿಕೋದ್ಯಮದ ಕುರಿತು ಮನಸ್ಥಿತಿಗಳು ಮೂಗು ಮುರಿಯುತ್ತಿರುವ ದಿನಗಳಿವು. ಹೀಗಿರುವಾಗ ಮಂಗಳಗಂಗೋತ್ರಿಯ ಮೀಡಿಯಾ ಅಲುಂನ ಅಸೋಸಿಯೇಶನ್ ಹೆಮ್ಮೆಯ ಹೆಜ್ಜೆಯನ್ನಿತ್ತಿದ್ದೆ. ಅದೂ MAAM Inspire Award ಮೂಲಕ. 

MAAM Inspire Award ಎಂಬ ಪರಿಕಲ್ಪನೆಗೆ ನನ್ನದೊಂದು ದೊಡ್ಡ ಶರಣು. Positive journalism ಎಂಬ ತತ್ವವನ್ನು ವಿದ್ಯಾರ್ಥಿ ದಿಶೆಯಲ್ಲೇ ಬೆಳೆಸುತ್ತಾ, ಈ ಕುರಿತಾಗಿ ತಮ್ಮ ವಿದ್ಯಾರ್ಥಿ ಬದುಕಿನಲ್ಲೇ ಪ್ರಯತ್ನ ಶುರು ಮಾಡಿದವರನ್ನು ಗುರುತಿಸಿ, ಒಂದಷ್ಟು ಸಹೃದಯ ಮನಸ್ಕರೆದುರು ಸಮ್ಮಾನಿಸಿ ಗೌರವಿಸುವುದು ನಿಜಕ್ಕೂ ಶ್ಲಾಘನೀಯ ಕೆಲಸವಲ್ಲವೇ? 

MAAM ನ ಈ ಯೋಚನೆಯು ಪತ್ರಿಕೋದ್ಯಮದ ಭವಿಷ್ಯದಲ್ಲಿ ಬಹುದೊಡ್ಡ ಸಕಾರಾತ್ಮಕ ಬದಲಾವಣೆ ತರಲಿರುವುದಂತೂ ಹೌದು.

2018-19 ರ MAAM inspire ಪ್ರಶಸ್ತಿ ನನಗೆ ಪ್ರದಾನವಾಗಿರುವುದು, ನನ್ನಲ್ಲಿನ ತುಡಿತ, ಸ್ಪೂರ್ತಿ,ಉತ್ಸಾಹ, ಜವಾಬ್ದಾರಿಗಳನ್ನು ಹೆಚ್ಚಿಸಿವೆ ಎನ್ನಬಲ್ಲೆ. ಇದು ನನ್ನ ವೃತ್ತಿ ಜೀವನಕ್ಕೆ ಅತೀವ ಚೈತನ್ಯ ದೊರಕಿಸಿಕೊಟ್ಟಿತು ಎನ್ನುವುದು ಎಷ್ಟು ನಿಜವೋ, ನನ್ನ ಬದುಕಿಗೊಂದು ದೊಡ್ಡ ತಿರುವು ನೀಡಲಿದೆ ಎನ್ನುವುದೂ ಅಷ್ಟೇ ನಿಜ.

ನನ್ನ ಮುಂದಿರುವ ಗುರಿಗಳೆಡೆಗೆ ಇನ್ನಷ್ಟು ದೃಡತೆ ತುಂಬಿದ MAAM ತಂಡಕ್ಕೆ, ಶರಣು ಶರಣಾರ್ಥಿ. 

-ವಿಭಾ ಡೋಂಗ್ರೆ  (PG section winner)

------------------------

ಆಳ್ವಾಸ್ ಶಿಕ್ಷಣ ಸಂಸ್ಥೆಯ ಮುಖ್ಯಸ್ಥರಾದ ಡಾ. ಮೋಹನ್ ಆಳ್ವ ಮತ್ತು ಮಂಗಳೂರು ವಿಶ್ವವಿದ್ಯಾಲಯದ ಕುಲಸಚಿವರಾದ ಡಾ. ಎ.ಎಂ ಖಾನ್ ಹಾಗೂ ಇತರ ಎಲ್ಲಾ ಗಣ್ಯ ವ್ಯಕ್ತಿಗಳಿಂದ ಪ್ರಶಸ್ತಿ ಸೀಕರಿಸಲು ಅವಕಾಶ ಮಾಡಿಕೊಟ್ಟ ಮಾಮ್ ತಂಡಕ್ಕೆ ನಾನು ಬಹಳ ಆಭಾರಿಯಾಗಿರುತ್ತೇನೆ. ಪತ್ರಿಕೋಧ್ಯಮ ಕ್ಷೇತ್ರದ ವಿದ್ಯಾರ್ಥಿಗಳು ಮಾತ್ರವಲ್ಲದೆ ಇತರ ಸಾಧಕರ ಪ್ರತಿಭೆಯನ್ನು ಗುರುತಿಸಿರುವುದು ಸಂತಸ ತಂದಿದೆ. ಯುವ ಪೀಳಿಗೆ, ಉತ್ತಮ ಸಮಾಜ ಹಾಗೂ ವ್ಯಕ್ತಿಗತ ಪ್ರೇರಣೆಗೆ ಈ ಕಾರ್ಯಕ್ರಮದ ವೇದಿಕೆ ಅನುವು ಮಾಡಿಕೊಟ್ಟಿದೆ ಎಂಬುದು ಅತಿಶಯೋಕ್ತಿಯೇನಲ್ಲ.  ಈ ಯಶಸ್ವಿ ಕಾರ್ಯಕ್ರಮದ ಹಿಂದಿನ ದಿಟ್ಟ ಸಂಕಲ್ಪದಿಂದ ಇಟ್ಟ ಒಂದು ಹೆಜ್ಜೆ ಇಂದು ನೂರಾರು ಹೆಜ್ಜೆಗಳಾಗಿ ಕಾರ್ಯಪ್ರವೃತರಾಗಲು ಸಹಕರಿಸಿದ ಮಾಮ್ ತಂಡಕ್ಕೆ ನನ್ನ ಅನಂತ ನಮನಗಳು. ಮೀಡಿಯಾ ಅಲ್ಯೂಮ್ನಿ ಅಸೋಸಿಯೇಷನ್ ಮಂಗಳಗಂಗೋತ್ರಿ (ಮಾಮ್) ತಂಡವು ಕಾರ್ಯನಿರ್ವಹಿಸಿದ ರೀತಿ ಅತ್ಯಂತ ಶ್ಲಾಘನೀಯವಾಗಿತ್ತು. ಈ ವೇದಿಕೆಯನ್ನು ಸಮರ್ಪಕವಾಗಿ ಬಳಸುವ ಉದ್ದೇಶವನ್ನು ನೆರವೇರಿಸಿದ ಎಲ್ಲಾ ಗಣ್ಯರಿಗೂ ಧನ್ಯವಾದಗಳು. 

- ಚೇತನಾ ನಾಯಕ್ ಕೆ. (PG Section Runner)

-------------

 ನಾವು ಹುಟ್ಟಿದ ಮೇಲೆ ನಮ್ಮ ಜೀವನ ಸಾರ್ಥಕವಾಗಬೇಕಾದರೆ ನಮ್ಮ ಹೆಸರು ಒಂದು ಕ್ಷೇತ್ರದಲ್ಲಿ ಅಚ್ಚಗಾಬೇಕು.ನನ್ನ ಜೀವನದ ಅನುಭವಗಳೇ ಬಹುದೊಡ್ಡ ಪಾಠ.ಬಾಲ್ಯದಿಂದಲೇ ನನಗೆ ಪತ್ರಿಕೆ, ಪುಸ್ತಕ ಓದುವ ಹವ್ಯಾಸ ಇದ್ದುದರಿಂದ ಅದರಲ್ಲಿ ಬರುವ ಲೇಖನ ,ಅಂಕಣವನ್ನು ನಾನು ಕೂಡ ಓದುತ್ತಾ ಇದ್ದೆ.ಪತ್ರಿಕೆ ಯನ್ನು ಓದಿಯೇ ನಾನು ಕೂಡ ಲೇಖನ ಕವನ ಬರೆಯಲು ಆರಂಭ ಮಾಡಿದೆ.ಪತ್ರಿಕೋದ್ಯಮ ವಿಷಯ ಎಂದರೇ ಏನೂ ಅಂತ ಗೊತ್ತಿಲ್ಲದ ನನಗೆ ನಿರಂತರ ಪತ್ರಿಕೆ ಓದುವುದರ ಮುಖಾಂತರ ‌ನಾನೊಬ್ಬ ಲೇಖಕ, ಅಂಕಣಗಾರನಾಗಲು ಸಾಧ್ಯವಾಯಿತು.ಬಾಲ್ಯದಿಂದಲೂ ಮನಸ್ಸಿಗೆ ಬಂದ ಅನುಭವವನ್ನು ಪೇಪರ್ ನಲ್ಲಿ ‌ಬರೆಯುತ್ತಾ ಇದ್ದೆ .ಹಲವು ವರ್ಷಗಳ ಕಾಲ ಪ್ರಯತ್ನ ದ ಬಳಿಕ ಹಲವಾರು ನನ್ನ ಲೇಖನಗಳಿಗೆ ಪತ್ರಿಕೆಯವರು ಜೀವ ತುಂಬಿದರು.ಬರಹಗಾರ ಆಗಬೇಕೆಂಬ ಕನಸು ನನಸಾಯಿತು.ಶಾಲಾ ಕಾಲೇಜಿನಲ್ಲಿ ಕಾರ್ಯಕ್ರಮ ದಲ್ಲಿ ಸಂಪನ್ಮೂಲ ವ್ಯಕ್ತಿ ಯನ್ನು ನೋಡಿ ಅವರ ಹಾಗೇ ನಾನು ಆಗಬೇಕೆಂಬ ಬಯಕೆ ಅದಕ್ಕಾಗಿ ಇನ್ನೊಬ್ಬರು ಮಾತಾನಾಡುವುದನ್ನು ಕೇಳುತ್ತಿದ್ದೆ ,ಒಂದು ವಿಷಯಕ್ಕೆ ಸಂಬಂಧಿಸಿದಂತೆ ಅಧ್ಯಯನ ಮಾಡುತ್ತಿದ್ದೆ ಇವತ್ತು ಅದೆಷ್ಟೋ ಶಾಲಾ ಕಾಲೇಜಿಗೆ ಯುವಕ ಯುವತಿ ಮಂಡಲಗಳಿಗೆ ಸಂಪನ್ಮೂಲ ವ್ಯಕ್ತಿ ಯಾಗಿ ತನ್ನಲ್ಲಿರುವ ವಿಷಯವನ್ನು ಇನ್ನಷ್ಟು ಜನರಿಗೆ ತಿಳಿಸುವ ಮುಂಖಾತರ ಕನಸು ನನಸಾಯಿತು.ಹಲವಾರು ಸೋಲು ಗೆಲುವುಗಳ ಕಷ್ಟ ಸುಖ ಗಳ ಮಧ್ಯೆ ನಾನೊಬ್ಬ ಬರಹಗಾರ‌ ಸಂಪನ್ಮೂಲ ವ್ಯಕ್ತಿಯಾಗಿ ಗುರುತಿಸಿಕೊಂಡೆ.ನನ್ನ ತಂದೆ ತಾಯಿ ಜೀವನ ಎಂದರೆ ಏನೂ ಎಂಬುದನ್ನು ತಿಳಿಸಿದವರು.ನನ್ನ ಜೀವನದ ಕಷ್ಟಗಳೇ ಬಹು ದೊಡ್ಡ ಆಸ್ತಿ. ಇನ್ನೂ ‌ಏನಾದರೂ ಮಾಡಬೇಕೆಂಬ ಬಯಕೆ ನನ್ನ ಮನಸ್ಸಲ್ಲಿ ಈಗಲೂ ಮೂಡುತ್ತಾ ಇದೆ.ಒಂದು ಕಿರು ಸಿನಿಮಾದಲ್ಲಿ ‌ನಟಿಸುವ ಅವಕಾಶ ಸಿಕ್ಕಿತು ಅದರಲ್ಲೂ ನಟಿಸಿದೆ.ಶಿಕ್ಷಕ ನಾಗಬೇಕೇಂಬ ಆಸೆ ನನಗಿತ್ತು ಆದರೆ ಅದು ಇಷ್ಟು ಬೇಗ ಈಡೇರುತ್ತೆ ನಾನು ಊಹಿಸಿ ಇರಲಿಲ್ಲ ಜೀವನ ಕೌಶಲ್ಯ ತರಬೇತಿ ‌ಶಿಕ್ಷಕನಾಗಿ ಮೊರಾರ್ಜಿ ದೇಸಾಯಿ ವಸತಿ ಶಾಲೆಗೆ ಪಾಠ ಮಾಡುವ ಅವಕಾಶ ಸಿಕ್ಕಿತು.ಸಿಕ್ಕ ಅವಕಾಶವನ್ನು ಸಕಾರಾತ್ಮಕ ವಾಗಿ ಬಳಸಿಕೊಂಡೆ. ಕನಸು ಕಾಣುವುದು ಸಹಜ ಅದರೆ ಅದನ್ನು ಪಡೆಯಬೇಕಾದರೆ ಅದರ ಶ್ರಮ‌ ತುಂಬಾನೆ ಇರುತ್ತೆ.ಕಾರ್ಯ ಸಾಧನೆಗೆ ಶ್ರಮ ಪಟ್ಟರೆ ಯಶಸ್ಸು ಖಂಡಿತವಾಗಿ ಸಿಗಲು ಸಾಧ್ಯ. ನಾವು ಮಾಡಬೇಕಾದ ಕೆಲಸ ಮಾಡಬೇಕು ಸಿಕ್ಕಿದ ಸಮಯವನ್ನು ಉಪಯೋಗಿಸಿಕೊಂಡು ತಮ್ಮ ‌ಕೌಶಲ್ಯವನ್ನು ಬಳಸಿಕೊಂಡು ಕೆಲಸ ಮಾಡುವ ಮುಖಾಂತರ ನೆಮ್ಮದಿ ಯ ಜೀವನ‌ ಮಾಡಬಹುದು. ನನ್ನ ಹಲವು ವರ್ಷಗಳ ಪರಿಶ್ರಮಕ್ಕೆ ಮಾಮ್ ತಂಡ ನನ್ನನ್ನು ಗುರುತಿಸಿದರಿಂದ ಇನ್ನಷ್ಟು ಈ ಕ್ಷೇತ್ರದಲ್ಲಿ ಸಾಧಿಸಬೇಕೆಂಬ ಹುಮ್ಮಸ್ಸು ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ನನ್ನ ಮನಸ್ಸಲ್ಲಿ ಆಗುತ್ತಾ ಇತ್ತು.ಎಷ್ಟೊಂದು ಅಚ್ಚುಕಟ್ಟಾಗಿ ಎಲ್ಲರಿಗೂ ಪ್ರೋತ್ಸಾಹ ನೀಡುವ ಕಾರ್ಯಕ್ರಮ ಇದಾಗಿದ್ದು ಇನ್ನಿತರಿಗೂ ಮಾದರಿಯಾಗಿದೆ.ಮಾಮ್ ತಂಡಕ್ಕೆ ನಾನು ಎಂದೂ ಚಿರ ಋಣಿ.ಅದೆಷ್ಟೋ ಜನ ಕಷ್ಟ ಪಟ್ಟು ಹಲವಾರು ಕ್ಷೇತ್ರದಲ್ಲಿ ಸಾಧಿಸಿದ ಪ್ರತಿಭೆಗಳನ್ನು ನಿಮ್ಮಂತ ನಿಷ್ಠಾವಂತ ತಂಡ ಗುರುತಿಸಬೇಕಾಗಿದೆ.ಮಾಮ್ ತಂಡದ ಎಲ್ಲಾ ಸದಸ್ಯರಿಗೆ ನಾನು ಈ ಮೂಲಕ ಧನ್ಯವಾದ ತಿಳಿಸುತ್ತಿದ್ದೇನ.

-ವಂದನೆಗಳು 

ಶ್ರೀಕಾಂತ್ ಪೂಜಾರಿ ಬಿರಾವು (UG section winner)